Me gjithë pa dëgjueshmërinë që Serbia tregon karshi Bashkimit Evropian, sërish shikuar nga prizmi ekonomik, investimet më të mëdha vijnë pikërisht nga BE-ja në Serbi.
Investimet e BE-së kapin shifrat e miliardave që janë instaluar në Serbi përmes kompanive të ndryshme, duke përfshirë shtetet si Gjermania investitori më i madh, pastaj Italia, Franca, Polonia, Suedia, Zvicra, Greqia e kështu me radhë.
Praktikisht serbët janë “ushejza” si përket çështjes së ekonomisë, ata luajnë në këndin e shteteve që kanë ndikim ndaj njëra tjetrës, dhe shi për ketë, këta ikën sipas parimit “mirë me të gjithë, keq me askënd”.
Investimet Evropiane prijnë në Serbi, duke u pasuar nga investimet Kineze, Turke dhe duke përfunduar me ato Amerikane.
Kosova duhet të tregoj një “agresivitet” të marketingut që do të paraqiste Kosovën një treg atraktiv për tërheqjen e investimeve Evropiane në Kosovë.
Kosova veçse është një terren i mirë i konsumatorëve, dhe po ashtu është një treg i përshtatshëm për konsum ndaj produkteve që kanë origjinalitetin dhe që janë risi në treg.
Së dyti Kosova ka një diasporë që jo vetëm në sezon, por tani më me liberalizimin e vizave, do të behët fushë e mirë e prurjes së mjeteve financiare në vend.
Kjo tregon se kërkesa do të jetë shumë herë më e madhe se oferta, dhe bazuar mbi këtë autoritet e vendit duhet të fokusohen përgatitjen e kushteve sa më të mira dhe më të lehta për operimin e të bërit biznes në Kosovë.
Politikat që do të kishin efekt të menjëhershëm janë: politikat fiskale të zbuten, kontrollet të jenë më fleksibile, lirimi nga taksat komunale, ofrimi i sigurisë duke krijuar një forcë që do të kujdesej enkas vetëm për ruajtjen dhe mbarëvajtjen e bizneseve dhe investimeve.
Të pakësohet burokracia në nivelet më të ulëta për duke i tërhequr mbrapa njerëzit që tregojnë autoritet kundrejt bizneseve. Ofrimi i rrymës stabile dhe pa ndërprerje, rregullimi i infrastrukturës rrugore dhe përcjellëse, kanalizim, asfalt, ujë etj.
Të krijohen zyra informuese, ku përmes broshurave, katalogëve, informuesve komercial të njoftohet investuesit dhe bizneset për rreziqet, metodologjinë e punës për të operuar në tregun Kosovar.
Rreziqet dhe pasojat, si të parandalohen dhe evitohen ato duke i kthyer në sukses.
Të gjithë këto janë lehtë të arritshme, vetëm se duhet vullnet, dije dhe profesionist.
Sepse është e kotë kur ke vullnet por s’ke dije, e për të pasur dije duhet të kesh profesionist, jo asi që kanë vetëm tituj (dr, mr, ing)?
Pasuria e madhe po sillet rreth vendeve tona, ne duhet të qëndrojmë vetëm spektator.
Shtetet siç është Shqipëria e Kosova duhet të jetë shumë më të pasura se Serbia dhe Maqedonia, nëse për asgjë më shumë, kemi detin.
____
ESH
____________
publikime.com